Ват1анияб рагъул бидул корониб

Корода

Ват1анияб рагъул бидул корониб
Ункъго сон рехана Къородисезги,
Хирияб ракьалде бугеб рокьиялъ
Рачана бах1арзал бух1араб кьалде.

Ват1ан ц1уни гуреб ният бук1инч1ел
Рахъана къват1ире т1олго г1олилал,
Эбел Эменги тун хъизан лъимал тун
Тезе кана росу къадруял васаз.

Къорода росулъа ват1ан ц1унизе
Къват1ир рахъаразул къадар абуни,
Абула умумуз к1инусго г1езе
К1икъоялда ункъго камун бук1анин.

Вах1шияб рагъуе ахирги гьабун
Бергьенлъиги босун т1адрусун шведал,
Щобил ахалъуда иххал кинигин
Т1уна росуцояз бух1араб маг1у.

Эбелалъе васги, яцалъе вацги,
Хъизаналъе росги, лъимадуй эмен,
Хъизан лъимал гьеч1ев г1олилав васги
Къаншана бидулаб рагъул байдабахъ

Рагъдаса русинч1ел росуцоязул
Г1ункъоялда анкьго рик1енги буго
Т1адруссун рач1арал бах1арзазулги
Рагъул кьог1лъи бицун биценги буго.

Кинго бегьиларо нилъ росуцоял
Нилъей г1оло г1умру жидеца кьурал,
Кьалдаги лъукълъукъун т1адрусун щварал
Т1олго ветеранал к1очон рук1ине.

Автор: Ахмедов Гаджи Ахмедханович

0 0 vote
Article Rating
Подписаться
Уведомление о
guest
0 Комментарий
Inline Feedbacks
View all comments
0
Would love your thoughts, please comment.x
()
x